Државите членки на Советот на Европа и другите Високи договорни страни на Конвенцијата за заштита на човековите прави и основните слободи, потпишана во Рим на 4 ноември 1950 година (во понатамошниот текст „Конвенција“), потписнички на овој Протокол;

Имајќи ги предвид одредбите на Конвенцијата и, особено, членот 19 со кој се основа Европскиот суд за човековите права (во понатамошниот текст „Суд“);

Со оглед на тоа што проширувањето на надлежноста на Судот да дава советодавни мислења дополнително ќе ги зацврсти меѓусебните односи меѓу Судот и домашните органи и со тоа ќе ја зајакне примената на Конвенцијата, во согласност со принципот на субсидијарност;

Имајќи го предвид Мислењето број 285 (2013) што Парламентарното собрание на Советот на Европа го усвои на 28 јуни 2013 година,

Се согласија за следното:

1. Совет составен од пет судии на Големиот судски совет ќе одлучи дали да го прифати барањето за советодавно мислење имајќи го предвид членот 1. Советот ќе ги образложи причините за секое одбивање да го прифати барањето.

2. Доколку советот го прифати барањето, Големиот судски совет ќе донесе советодавно мислење.

3. Во советот и Големиот судски совет, кои се наведени во претходните ставови, ќе учествува по службена должност судијата избран во однос на Високата договорна страна од која потекнува судот или трибуналот што го бара мислењето. Доколку таков судија нема или истиот не може да учествува во работата на советот, во својство на судија ќе учествува лице кое Претседателот на Судот ќе го избере од листата што Договорната страна однапред ја доставила.

Комесарот за човекови права на Советот на Европа и Високата договорна страна од која потекнува судот или трибуналот кој побарал советодавно мислење имаат право да достават писмени опсервации и да учествуваат во расправата. Во интерес на правилно водење на постапката, Претседателот на Судот може да повика било која друга Висока договорна страна или лице да достават писмени опсервации или да учествуваат во расправата.

1. Советодавните мислења ќе бидат образложени.

2. Доколку советодавното мислење не го изразува, во целина или дел, едногласното мислење на судиите, секој судија има право да го издвои своето мислење.

3. Советодавните мислења им се доставуваат на судот или трибуналот кој го побарал мислењето и на Високата договорна страна од која потекнува судот или трибуналот.

4. Советодавните мислења се објавуваат.

Советодавните мислења не се обврзувачки.

Високите договорни страни ги сметаат одредбите на членовите од 1 до 5 на овој Протокол за дополнителни членови на Конвенцијата, и сите одредби на Конвенцијата се применуваат соодветно.

1. Овој Протокол е отворен за потпишување од страна на Високите договорни страни на Конвенцијата кои може да ја изразат нивната согласност да бидат обврзани со истиот:

а. со потпишување без резерва во поглед на ратификацијата, прифаќањето или одобрувањето, или

б. со потпишување кое е предмет на ратификација, прифаќање односно одобрување, по кое ќе следи ратификација, прифаќање односно одобрување.

2. Инструментите за ратификација, прифаќање или одобрување се депонираат кај Генералниот секретар на Советот на Европа.

1. Овој Протокол стапува на сила првиот ден од месецот кој следи по истекот на тримесечниот период од датумот кога десет Високи договорни страни на Конвенцијата изразиле согласност да бидат обврзани со овој Протокол во согласност со одредбите на член 7.

2. Во однос на Висока договорна страна која подоцна ќе изрази согласност да биде обврзана со овој Протокол, истиот ќе стапи во сила на првиот ден од месецот кој следи по истекот на тримесечниот период од датумот кога таа страна изразила согласност да биде обврзана со Протоколот во согласност со одредбите на член 7.

На одредбите на овој Протокол не може да се ставаат резерви врз основа на членот 57 на Конвенцијата.

Секоја Висока договорна страна на Конвенцијата, при потпишувањето или депонирањето на инструментот за ратификација, прифаќање или одобрување, преку изјава упатена до Генералниот секретар на Советот на Европа ги наведува судовите или трибуналите што ги одредува во врска со член 1, став 1, на овој Протокол. Таа изјава може подоцна да биде изменета во секој момент и во иста постапка.

Генералниот секретар на Советот на Европа ги известува сите држави членки на Советот на Европа и другите Високи договорни страни за:

а. секое потпишување;

б. депонирање на секој инструмент за ратификација, прифаќање или одобрување;

в. секој датум на стапување на сила на овој Протокол во согласност со одредбите на член 8;

г. секоја изјава дадена во согласност со член 10; и

д. секој друг акт, известување или соопштение во врска со овој Протокол.

Во потврда на тоа, долупотпишаните, прописно овластени за оваа цел, го потпишаа овој Протокол.

Составено во Стразбур на 2 октомври 2013 година на англиски и француски јазик, при што и двата текста се еднакво веродостојни, во еден единствен примерок што се депонира во архивот на Советот на Европа. Генералниот секретар на Советот на Европа им доставува заверени копии на секоја држава членка на Советот на Европа и на другите Високи договорни страни на Конвенцијата.